BEMOLANGA VERSION SAZYKELY

12/27,2007 | fifaliana

BEMOLANGA, asa iny hira iny raha hainareo na tsia , fa izy iny dia mampieritreritra ihany.

Ny taona ity miherina 2007 lasa 2008
Asa izay mba hoentiny les 12 mois de l'année ihany io tsy hiova e!
Ahiako mbola hiverina tsy hisy Neny maty intsony e
Toy ny tamin’ny taona lasa ny zavatra raiketiny encore les 365 jours

Fa ny fanantenana
Efa mihena, mitsilopy
Fa tsy misy fahatsarana
Izay mety ho fiovana efa zary nofinofy

             Ireo voa nafafy ovy nisy nagalatra
             Taona maro lasa izany tam 2007
             Ho an’ny zanaka aman-jafy
             Mbola tsy vokatra ihany

             Efa taona firifiry
             No nantenaina hitondra soa
             Ahi-dratsy no naniry ngah tsy mba miava mitsy e
             Ny tany maina avokoa

-----
Mitombo ny fara-mandimby efa tsy voaisa intsony
Ny tany koa miha tery
Ny taona faly mifandimby
Mody marenina, minia tsy mijery

Manahy aho fa tsy hisy hiova
Ny omaly tsy hiova volo efa misy mihafotsy kosa e
Toy ny fanaka eny an-dRova
Ts’isy nanombinana fa efa zary bobongolo

             Rahoviana no hitranga
             Asa angamba atsy ho atsy
             No ho tonga i Bemolanga no ho  tonga sazykely iii
             Dia isika tsy ho lany vatsy

Dia hanao ahoana tokoa moa izany ity taona ho avy ity.

Taona 2008 tongava haingana ianao ka

Hevitra (13)


DIA TSY MAINTSY HOE FALY INDRAY

12/27,2007 | fifaliana

 (tohiny)

Hevitra (2)


ny Noelinay

12/26,2007 | fifaliana

Ny NOELINAY!!!

Asa ny anareo na nao ahoana fa ny ahy aloha no hotantaraiko eto anio!!!

ity no noely voalohany hatramin'izay tsy nahateo an'Neny izay.

Noely nahatsapana ny fahabangana saingy Noely ihany no anaran'iny na dia izanya za e!!!!

Ireto no nanamarika ny Noeliko tamin'ity

Nandeha namonjy sasakalina aho dia namokovoko be satria tena mahafinaritra ahy ny hira rehefa noely kanjo nony maraina ny andro dia tsy nahavoaka feo intsony aho.

ny hariva ndray dia hoy zokilahy hoe andao hiara mihira satria izahay rehefa tafaraka dia mba mampiara peo kely manao ireny classique ireny. Dia ts y nety aho dia mody  nolazaiko hoe izaho kamo fa meantra be za!!!

Aza tenenina aminy zany an!!!

 (tohiny)

Hevitra (3)


Te-hizara hafaliana...

12/21,2007 | fifaliana

Te-hizara hafaliana aho saingy indrisy fa ilay tena tiako indrindra fizarako ny hafaliako dia tsy eto intsony.

kamo be aho handeha hiasa, miditra amin'ny valo aho dia tamin'ny fito sy sasany vao niala tany antrano nefa adiny iray no handehanako miasa isan'andro. Handeha hivoaka ny vavahady aho, toa misy zavatra tazako tao anaty boîte aux lettres, toa taratasy, ho an'iza anefa, toa soratanako no tazako dia avy toa misy cachet ny université, nidoboka ny foko, inona ary hoy aho??? Inona ary hoy ianareo no tao???  TARATASY AVY ANY AMIN'NY UNIVERSITE milaza fa voaray amin'ny fianarana tena niriko mafy hatrizay aho!!!!!!!!

nitsambikimbikina niverina nody aho, tsy noraraiko ny fahatarako, nasehoko azy telo mioatra tao antrano ilay taratasy fantatro fa faly koa ry zareo, avy eo izaho handeha hiasa, dia mbola lasa indray nitsikilo kely an'i DADA, fa izy manko lasa nivoaka vao maraina fa fizarana bulletin an'ny Rangory kely androany! hitako izy, navoakao ilay taratasy, toa mangana ny endriny fantatro ihany koa fa faly izy,

Nitohy indray ny diako, nandalo teny ankatso aho, nijery nandinika minitra vitsy ity ho fianarako vaovao, nilatsaka ny ranomasoko! nandalo tao antsaiko mantsy ny tsy maha eo an'ny NENY intsony tsy afa miara migoka amiko hafaliana be dia be toa izaho izay efa intelo misesy izay: ny nisondrotako kilasy, ny nahitalko asa, ary ity indray ny fahatelony

Fantatro fa raha mbola teo izy dia nilatsaka ny ranomaso, fa ity badokeliny no tonga amin'ny toy izao. Izy mantsy dia nanahy mafy ny amin'ny ho aviko satria izaho hatramin'izay dia toa badokely, tsy mba nety tonga saina amin'ny fandehan'ny fiainana soa fa tsy toy izany intsony ankehitriny...

tonga aty ampiasana aho izao, dia ilaozako manoratra ho anareoa to amin'ity fiseraserantsika ity satria te hizara ny hafaliako amintsika rehetrarehetra indrindra ho an'i PISSOA te hiantso azy aho noho ny amin'izany rhetra izany, izy mantsy no solondreny ho anay saingy lafo loatra ny miantso any ivelany sady izy koa fantatro fa tsy maintsy handalo hitsidika eto isan'andro!!!

dia ny hirariako, dia tsy ho izaho irery jo tojo hafaliana tsara be toy izao isan'andro fa isika rehetra dia mirary soa be dia be

SAZYKELY

Hevitra (10)


«Mialoha   1 2